Bakının mərkəzi küçələrindən keçən avtobusların hərəkət sxemi dəyişir. Bu haqda bu gün, 6 may tarixində Bakuplus.az Bakı Nəqliyyat Agentliyinə istinadən xəbər verir.
7 may tarixində keçiriləcək “Bakı Marafonu” ilə əlaqədar mərkəzi küçələrdə hərəkətə məhdudiyyət qoyulacaq. Bu səbəbdən də 24 marşrut xətti üzrə hərəkət edən avtobuslar alternativ yollardan istifadə edəcəklər. Həmin avtobusların siyahısı belədir: E1, M3, H1, 1, 2, 4, 5, 6, 10, 18, 21, 30, 32, 46, 49, 53, 61, 65, 88, 120, 125, 149, 175 və 205.
Daha öncə “Bakı Marafonu” ilə bağlı yolların bağlanacağı barədə məlumat verilmişdir.
