Bakıda məktəbi fərqlənmə attestatı ilə bitirən abituriyentlərin sayı açıqlanıb. Bu haqda bu gün, 15 iyul tarixində Bakuplus.az Report-a istinadən xəbər verir.
Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin 3320 məzunu məktəbi fərqlənmə attestatı ilə bitirib. Onlardan 1383 nəfər ümumi orta təhsil, 1937 nəfər isə tam orta təhsil səviyyəsi üzrə təhsilini başa vurub.
Fərqlənmə attestatları bütün fənlərdən attestata yazılan illik qiymətləri 5 olan və buraxılış imtahanlarında hər bir fənn üzrə ən azı 75 bal toplayan məzunlara verilir.
