Bakının bir sıra avtobuslarının hərəkət sxemi dəyişdirilir. Bu haqda bu gün, 19 iyul tarixində Bakuplus.az Yerüstü Nəqliyyat Agentliyinə istinadən xəbər verir.
Yasamal rayonunun Mikayıl Müşfiq küçəsində aparılan təmir işləri ilə əlaqədar avtonəqliyyat vasitələrinin hərəkəti tam məhdudlaşdırılıb. Bu səbəbdən 29, 31, 53 və 206 nömrəli müntəzəm avtobus marşrutlarının hərəkəti alternativ olaraq, Parlament prospekti, Abbasqulu Abbaszadə küçəsi, Ə.Haqverdiyev küçəsi, Nazim Hikmət küçələrindən təşkil edilib.
19 iyul saat 00:00-dan 22 iyul saat 06:00-dək Nərimanov rayonunun Əhmədbəy Ağaoğlu küçəsində aparılan təmir işləri ilə əlaqədar 11 və 199 nömrəli müntəzəm avtobus marşrutlarının hərəkəti alternativ olaraq, Nurəddin Süleymanov və Təbriz küçələrindən təşkil ediləcək.
