Bakıda 27 Sentyabr - Anım Günü ilə bağlı tədbirlər davam edir. Bu haqda BakuPlus.az bu gün, 27 sentyabr tarixində xəbər verir.
Ötən gün Anım Günü ilə əlaqədar, Xətai rayonu, Heydər Əliyev adına istirahət parkında amfiteatr səhnəsində Xətai rayon İcra Hakimiyyətinin və 6 saylı "ASAN xidmət" mərkəzinin təşkilatçılığı ilə anım tədbiri təşkil olunub və "Yaşma" sənədli filmi nümayiş etdirilib.
Şəhid ailələrinin, qazilərin, ziyalıların və sakinlərin qatıldığı tədbirdə əvvəlcə dövlət himni səsləndirilib, şəhidlərimizin əziz xatirəsi bir dəqiqəlik sükutla yad edilib.
Tədbir zamanı səhnədə quraşdırılmış ekranda Qarabağ müharibəsinə həsr olunmuş "Yaşma" sənədli filmi nümayiş olunub.
Eyni zamanda Xəzər rayonunda Vətən müharibəsi şəhidlərinin xatirəsinə ehtiram əlaməti olaraq ağacəkmə aksiyası keçirilib.
Mərdəkan qəsəbəsi, Mərdəkan-Qala avtomobil yolunun sol hissəsində baş tutan aksiyada Xəzər Rayon İcra Hakimiyyətinin başçısı Elşən Salahov, qurumun məsul əməkdaşları, YAP Xəzər rayon təşkilatı, Vətən müharibəsi iştirakçıları, qazilər, idarə, müəssisə və təşkilat rəhbərləri, rayonun fəal gəncləri və ictimaiyyət nümayəndələri iştirak ediblər.
Aksiyada Vətən müharibəsi şəhidlərinin xatirəsinə müxtəlif növ ağaclar əkilmiş, ağaclara aqrotexniki qulluq göstərilmişdir.
[caption id="attachment_71615" align="alignnone" width="640"]
Foto Xəzər RİH-nin rəsmi saytı[/caption]
