Bakıda Anım günü münasibətilə ağacəkmə aksiyası keçirilib. Bu haqda 27 sentyabr “Report” xəbər verib.
Aksiya Bakı Şəhər İcra Hakimiyyəti və Dövlət Şəhərsalma və Arxitektura Komitəsinin birgə təşkilatçılığı ilə Qaradağ rayonu ərazisində, Bakı-Ələt magistral avtomobil yolunun kənarındakı geniş sahədə baş tutub.
Tədbirdə hər iki qurumun rəhbərləri, əməkdaşları və Bakı Şəhər Yaşıllaşdırma Təsərrüfatı Birliyinin əməkdaşları ilə yanaşı Asan könüllüləri də iştirak ediblər.
Anım gününə həsr edilən ağacəkmə aksiyaları paytaxtın digər rayonlarında da təşkil edilib.
