Azərbaycan Respublikasının Qida Təhlükəsizliyi Agentliyi koronavirusun profilaktikası çərçivəsində monitorinqlər keçirib. Bu haqda Agentlik məlumat verib.
AQTA metodiki göstərişlərin icrasına nəzarət məqsədilə ictimai iaşə obyektlərində reydlər keçirib. Nəzarət tədbirləri çərçivəsində martın 30-da ölkə üzrə 99 ictimai iaşə obyektində 150 monitorinq keçirilib. Monitorinqlər zamanı qanunvericiliyin tələblərini kobud şəkildə pozan Nəsimi rayonunda yerləşən “Cafe City” restoranı aşkar olunub. Faktla bağlı İnzibati Xətalar Məcəlləsinə uyğun olaraq müvafiq tədbirlər görülüb.
