Bakıda Balıqlı Göl ətrafında yeni istirahət mərkəzi salınıb. Qeyd olunan ərazidə ekstrim həvəskarları üçün “yol” yaradılıb.
Mərkəzi ziyarət edənlər ATV və Motokross üçün nəzərdə tutulmuş və ümumi uzunluğu 3 kilometrə yaxın olan "BALIQLI GÖL SAFARI" trekindən də istifadə edə biləcəklər.
Rəsmi açılış mərasimi baş tutmuş trekdə ATV və Motokross yürüşləri orta çətinlik dərəcəli olduğuna görə hətta uşaqlar da sərnişin rolunda iştirak edə bilər.
Trekin qiyməti 1 dəqiqə üçün 1,50 AZN təşkil edir, sərnişinlə olduqda isə bu məbləğ 2 AZN olaraq dəyişir. Trekin ümumi zolağını bitirmək üçün ortalama 15 dəqiqə vaxt tələb olunur.
30 AZN depozit ödəməklə trekdən istifadə etmək mümkündür. Sərf olunan vaxt səyahətin sonunda hesablanır.
Balıqlı Göl İstirahət Mərkəzində təbiətsevərlər üçün piknik yerləri, uşaqlar üçün oyun parkları, idmansevərlər üçün isə futbol və basketbol meydançaları, həmçinin, coffeeshop da mövcuddur. Burada balıq ovu üçün xüsusi estakadalar yaradılıb.
