5-9 noyabr tarixlərində Bakıda “Avropa Gəncləri Sülh Naminə” adlı Beynəlxalq Gənclər Forumu keçiriləcək.
Tədbir Azərbaycan Respublikasının Gənclər Fondunun dəstəyi, “Аzərbaycan Demokratik Tələbə Gənclər Təşkilatı” İctimai Birliyinin təşkilatçılığı və Azərbaycan Respublikası Gənclər Təşkilatları Milli Şurasının (NAYORA) tərəfdaşlığı ilə baş tutacaq.
“8 noyabr Zəfər Günü” münasibətilə keçirilən tədbir ölkəmizin ədalətli mövqeyinin beynəlxalq arenada təbliği məqsədilə təşkil olunacaq.
Forum adından Azərbaycanın Cənubi Qafqazda və regionda sülh, təhlükəsizlik mehriban və birgə yaşam çağırışlarını dəstəkləyən Bəyannamənin qəbulu və 21 ölkənin gənclər təşkilatları rəhbərlərinin imzalaması və qoşulması ilə Bakıda mərkəzi olmaqla “Avropa Gənclərinin Davamlı Sülh Şəbəkəsi” adlı geniş tərkibli əməkdaşlıq platformasının təsis olunması da nəzərdə tutulur.
