Bakıda bığ saxlamasına irad bildirən dostunu bıçaqlayan şəxsə hökm oxunub. Bu haqda 21 dekabr tarixində Report məlumat verib.
Zığ qəsəbəsində iyul ayında Aleksandır Labutov tanışı Müslüm Qurbanovla birlikdə aptekdən 96% spirt alıblar və içinə su qataraq içiblər. Sərxoş hala düşdükdən sonra M.Qurbanov A.Labutova bığ saxlamasını irad bildirib və qırxmasını tələb edib. Onunla razı olmayan Labutov dostunu bıçaqlayıb. Yaralı xəstəxanaya çatdırılıb və onun həyatını xilas etmək mümkün olub.
Bakı Ağır Cinayətlər Məhkəməsində proses keçirilib və Aleksandır Labutov 6 il müddətinə azadlıqdan məhrum edilib.
