Bakıda bir sıra özəl təhsil müəssisələrində dərslər sentyabrın 2-də başlayacaq. Bu barədə Bakuplus.az Qaynarinfo-ya istinadən məlumat verir.
Müvafiq qərarlar qəbul olunub və valideynlərə məlumat verilib.
Belə ki, "Bakı Atatürk Liseyi"ndə 1, 9, 10 və 11-ci siniflər sentyabrın 2-də, digər siniflər sentyabrın 9-da dərslərə başlayacaq. "İdrak Liseyi"ndə 9, 10 və 11-ci siniflər sentyabrın 2-də, digər siniflər sentyabrın 16-da dərslərə başlayacaq. "Kaspi Liseyi"ndə isə 9, 10 və 11-ci siniflər sentyabrın 2-də, digər siniflər sentyabrın 16-da dərslərə başlayacaq. "Baku-Oxford School"da bütün siniflər sentyabrın 2-də, məktəbəqədər hazırlıq qrupları isə sentyabrın 3-də dərslərə başlayacaq.
"LANDAU School"da ingilis dili sektoru üzrə ibtidai siniflər sentyabrın 2-də, yuxarı siniflər isə sentyabrın 3-də dərslərə cəlb olunacaq.
Bu il Azərbaycanda COP29 ilə bağlı ümumi təhsil müəssisələrində payız tətili noyabrın 12-dən 22-dək keçiriləcək. Bakı, Sumqayıt və Abşeron rayonlarında peşə, orta ixtisas və ali təhsil pillələrində noyabrın 12-dən 22-dək distant təhsil tətbiq ediləcək.
