Bakıda "COP29-a aparan yol: Dayanıqlı və davamlı gələcək" mövzusunda toplantı keçirilir. Bu haqda bu gün, 19 iyun tarixində Bakuplus.az APA-ya istinadən xəbər verir.
3 gün davam edəcək toplantı çərçivəsində iqlim dəyişikliyi və onun nəticələrinin yumşaldılması, adaptasiya, dayanıqlılığın gücləndirilməsi, ərzaq təhlükəsizliyi, biomüxtəliflik, innovasiyalar və s. mövzularda yüksək səviyyəli qonaqların iştirakı ilə panel müzakirələr təşkil olunacaq.
Bundan əlavə, Azərbaycan Respublikasının Prezidenti İlham Əliyev toplantının iştirakçılarına müraciət ünvanlayıb. Məktubu Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev oxuyub.
Toplantının ilk 2 günü Bakıda, sonuncu günü isə Zəngilanda təşkil olunacaq.
