Bakı şəhəri Binəqədi rayonu Biləcəri qəsəbəsindəki mədəniyyət və istirahət parkı əsaslı şəkildə təmir olunub. Bu haqda Azərbaycan Televiziyası reportaj hazırlayıb.
Parkda yenidənqurma işləri baş tutub. Bakı şəhəri icra hakimiyyətinin şöbə müdiri Coşqun Cəbrayılov parkda bəzi təmir işlərinə ehtiyacın yarandığını qeyd edib. Abadlıq geniş ərazini əhatə edib. Təmir işləri çərçivəsində mövcud 1500 kv.m yaxın futbol stadionu qurulmuşdur.
Sakinlərin dediyinə görə, bu park 50-ci illərdə inşa edilib və əvvəllər bura Bakının giriş qapısı hesab olunurdu. Bu parkda yaşı 50 ildən çox olan ağaclar var. Ilk dəfə 2013-cü ildə təmir olunub və o zamandan mütəmadi olaraq yenilənir.
