Bakıda daha bir küçədə hərəkət məhdudiyyət qoyulur.
Bakı Şəhər Halqası Əməliyyat Şirkəti xəbər verir ki, "Formula 1" üzrə Azərbaycan Qran-prisi ilə əlaqədar 7 sentyabr saat 01:00-dan etibarən Puşkin küçəsi, Üzeyir Hacıbəyov küçəsindən Neftçilər prospekti iləkəsişməsinə qədər olan hissəsi nəqliyyatın hərəkəti üçün bağlanacaq.
Bundan əlavə, plana əsasən, Bakı Şəhər Halqasının keçdiyi küçələr və trekin əhatə etdiyi ərazilər 9 sentyabr tarixin saat 01:00-dən etibarən nəqliyyatın hərəkəti üçün bağlı olacaq.
Hərəkət 17 sentyabr, səhər saat 8:00-dan etibarən bərpa olunacaq.
Yarışın keçirildiyi müddətdə həmin ərazilərə nəqliyyatın giriş-çıxışı üçün “Yaşayış Yerinə Giriş İcazəsi” veriləcək. Sənədi paylanma məntəqələrinə yaxınlaşaraq, həftənin bazar ertəsindən, cümə gününə kimi, saat 10:00-dan 17:00-dək əldə etmək mümkündür.
“Yaşayış Yerinə Giriş İcazəsi”nin paylanması 29 avqust tarixindən başlayıb 13 sentyabradək davam edəcək.
