Bakıda aprelin 24-ü saat 01:00-dan etibarən Formula 1 yarış trekinin keçdiyi küçə və prospektlərdə nəqliyyatın hərəkəti məhdudlaşdırılacaq. Bu haqda bu gün, 17 aprel tarixində Bakuplus.az məlumat verir.
Həmin ərazilərə avtonəqliyyat vasitələrinin giriş-çıxışı “Yaşayış yerinə giriş icazəsi” əsasında təmin ediləcək.
Zona 1 - “İçərişəhər” Dövlət Tarix-Memarlıq Qoruğu İdarəsi, Böyük qala küçəsi, 41, 4-cü mərtəbə. Tel: (012) 497-35-89
Zona 2 - 4 saylı Mənzil Kommunal Təsərrüfat İdarəsi, Xəqani küçəsi, 26/32. Tel.: (012) 498 88 06
Zona 3 - 58 saylı Mənzil Kommunal Təsərrüfat İdarəsi, İstiqlaliyyət küçəsi, 5. Tel.: (012) 492 41 85
“Yaşayış yerinə giriş icazəsi”nin verilməsi aprelin 10-dan başlayıb və aprelin 28-dək davam edəcək. Piyadaların hərəkətinə heç bir məhdudiyyət yoxdur.
Nəqliyyatın hərəkəti mayın 2-də saat 08:00-da bərpa olunacaq.
Formula 1 Azərbaycan Qran Prisi aprelin 28-30-da keçiriləcək. Nəqliyyatın hərəkəti ilə bağlı ətraflı məlumatı BŞH-nin rəsmi veb səhifəsindən əldə etmək olar.
