Bakıda Korsika, Melaneziya, Polineziya, Fransa müstəmləkəçiliyindən əziyyət çəkən Karib dənizi və Antil adaları qrupunun müstəqilliyi uğrunda 15-dən çox siyasi partiya və hərəkat liderlərinin birinci qurultayı işə başlayıb. Bu haqda bu gün, 17 iyul tarixində Bakuplus.az məlumat verir.
Tədbir Qvadelupanın Azadlığı Uğrunda Xalq İttifaqı tərəfindən və Bakı Təşəbbüs Qrupunun dəstəyi ilə keçirilir. Konqresin işində Hollandiyanın müstəmləkələri olan Bonayre və Sint-Marten adalarından üç təşkilat fəxri qonaq qismində iştirak edir.
İki gün davam edəcək konqres iştirakçılara vahid platforma yaratmaqla Fransa müstəmləkəçiliyinə qalib gəlmək üçün nəticəyönümlü hərəkətləri əlaqələndirərək müstəqillik mübarizəsində daha sıx birliyə nail olmaq yollarını müzakirə etmək imkanı verəcək. İştirakçılar, həmçinin öz müqəddəratını təyin etmək üçün mübarizədə ən effektiv təcrübə və strategiyaları müzakirə edəcəklər.
