Bakıda keçiriləcək hərbçilər arasında dünya çempionatına hazırlıqlar davam edir. Bu haqda bu gün, 28 oktyabr tarixində Bakuplus.az Report-a istinadən xəbər verir.
Sayca 36-cı olan turnirdə hazırda 19 ölkə iştirakını təsdiqləyib. Çempionatda sərbəst güləş üzrə 103, yunan-Roma güləşi üzrə 156 iştirakçı olmaqla, ümumilikdə 259 idmançı və 87 rəsmi şəxsin iştirakı dəqiqləşdirilib. Təxminən 400-ə yaxın nümayəndənin iştirakı gözlənilir.
Həmçinin Dövlət Sərhəd Xidməti “Sərhədçi” İdman Mərkəzinin rəisi Elşən Mirzəyev Azərbaycan yığmasının dünya çempionatında çıxış edəcək heyətinin bəlli olduğunu da qeyd edib.
Yarış 27 noyabr - 3 dekabr tarixlərində “İdmanla dostluq” şüarı altında “Sərhədçi” İdman Mərkəzində baş tutacaq.
