Bakıda hava şəraitinin qeyri-sabit olması ilə bağlı Dövlət Yol Polis (DYP) İdarəsi əhaliyə müraciət edib. Bu haqda bu gün, 27 iyul tarixində Bakuplus.az xəbər verir.
Ölkə və paytaxt ərazisində küləklə müşahidə olunan yağışlı hava şəraiti yollarda təhlükə yarada bilər.
DYP həftəsonu avtomobil yollarında nəqliyyat axınının artacağını nəzərə alaraq, şəxsi avtomobillə səfərə çıxan, eləcə də sərnişindaşıma fəaliyyəti göstərən sürücüləri qeyri-sabit hava şəraitində daha diqqətli olmağa, sürət həddini nəzarətdə saxlamağa, nasaz nəqliyyat vasitələri ilə yola çıxmaqdan çəkinməyə, ötmə və manevr zamanı təhlükəsizlik qaydalarına ciddi əməl etməyə çağırır.
Qeyd olunan hava şəraitinin xüsusilə moped, elektroskuter, velosiped tipli nəqliyyat vasitələrinin idarə edilməsində çətinliklər yaratdığını nəzərə alaraq, belə nəqliyyat vasitələrindən mümkün qədər az istifadə olunması tövsiyə edilir.
