“Bravo” hipermarketinə silahlı hücum edənlərin məhkəməsi yekunlaşıb. Bu haqda bu gün, 13 iyul tarixində Bakuplus.az Report-a istinadən məlumat verir.
Məhkəmə prosesi hakim Azad Məcidovun sədrliyi ilə keçirilib. Hökmə əsasən, Dəyanət Qüdrətov ömürlük azadlıqdan məhrum edilib. Digər təqsirləndirilən şəxslər: Azər Məmmədov 19 il, Səbuhi Qurbanov 18 il 6 ay, İbrahim İbrahimov 19 il müddətinə azadlıqdan məhrum ediliblər. Zamində olan Rövşən İsmayılov 4 il 11 ay 28 gün, Babək İsgəndərov 3 il 11 ay 28 gün azadlıqdan məhrum ediliblər. Onların hər ikisi məhkəmə zalında həbs olunub.
Ötən ilin 4 mart tarixində bir qrup silahlı şəxs Xətai rayonunda yerləşən “Bravo” hipermarketinə daxil olaraq 1 nəfəri öldürüb, 1 nəfəri isə yaralayaraq bankomatdan pul oğurlayıblar.
