Bakıda oğurluq edən dəstə barəsində hökm oxunub. Bu haqda bu gün, 21 oktyabr tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin qərarı ilə Rüfət Yuzayev 11 il 6 ay, İbrahim Yuzayev 12 il, İlqar Qasımov isə 11 il 6 ay azadlıqdan məhrum ediliblər.
Təqsirkarlar tanınmış iş adamı Riyad Əliyevin Nərimanov rayonu, Xan Şuşinski küçəsində yerləşən dördmərtəbəli fərdi yaşayış evindən külli miqdarda oğurluq etmişdilər. Nəticədə evdən 120.000 AZN dəyərində əşya götürülmüşdü.
Bundan əlavə, onlar evdə digər əşyaları da korlayaraq, iş adamına ümumilikdə 926.555 AZN dəyərində ziyan vurublar.
