Bakıda müxtəlif ünvanlarda yaşama hüququ verən sənədləri olmayan əcnəbilər saxlanılıblar. Bu haqda bu gün, 28 iyun tarixində Bakuplus.az Qanunsuz Miqrasiyaya Qarşı Mübarizə İdarəsinə istinadən məlumat verir.
Araşdırma zamanı həmin əcnəbilərin pul müqabilində guya ölkəmizdən tranzit kimi istifadə olunmaqla qeyri-leqal yollarla Avropa ölkələrinə keçidinin təmin ediləcəyi vədi ilə dələduzluğa məruz qalmaları müəyyən edilib. Onlar barəsində İnzibati Xətalar Məcəlləsinin müvafiq maddəsinə əsasən, protokol tərtib edilib.
2024-cü ilin əvvəlindən keçirilən tədbirlərlə ölkə ərazisində yaşama hüququ verən sənədləri olmayan 127 əcnəbi vətəndaş müəyyən edilib və barələrində müvafiq tədbirlər görülüb.
