Elmlər Akademiyası parkında III Türk Dünyası Ədəbiyyat və Kitab Festivalı keçirilir. Bu haqda bu gün, 27 may tarixində Bakuplus.az xəbər verir.
Yarmarkada müxtəlif nəşrlər nümayiş etdirilir. Sərgidə türk tarixi və ədəbiyyatı barədə endirimli kitablar mövcuddur. Həmçinin türkoloq yazıçı və müəllimlər kitabların təqdimatında iştirak edirlər.
Festival Azərbaycan Mədəniyyət Nazirliyi, Azərbaycan Yazıçılar Birliyi, Milli Məclisin Mədəniyyət Komitəsi, TÜRKSOY, Türk Mədəniyyəti və İrsi Fondu, AMEA, Bakı Şəhər İcra Hakimiyyəti, Beynəlxalq Türk Akademiyası, TİKA və başqa qurumların dəstəyi ilə təşkil olunub.
Sözügedən festivalın hər günü bir ölkəyə – Azərbaycan, Qırğızıstan, Özbəkistan, Macarıstan, Qazaxıstan, Türkiyə, Türkmənistan və Şimali Kipr Türk Cümhuriyyətinə həsr olunur.
Yarmarka mayın 31-dək davam edəcək.
[caption id="attachment_139282" align="alignnone" width="640"]
Foto Bakuplus.az[/caption]
