Bakıda iki “Baku Bus” avtobusunun qəza şəraiti yaratması şəhər təhlükəsizlik kameralarına düşüb. Görüntülər paytaxtın Xətai rayonu ərazisinə düşən hissəsində, Yusif Səfərov küçəsindəki kameralar tərəfindən qeydə alınıb.
İki avtobus sürücüsü düz xətti tapdalayaraq sərnişinlər və hərəkətdə olan digər avtomobillər üçün təhlükə yaradıb.
Bakı Şəhər Dövlət Yol Polisi İdarəsinin əməkdaşı Araz Əsgərlinin sözlərinə görə, faktla bağlı araşdırma aparılır. Aşkar edilən kimi hər iki sürücü inzibati qaydada 40 manat məbləğində cərimə olunacaqlar.
