Bakıda yük avtomobili ilə Dövlət Gömrük Akademiyasının əməkdaşını və tələbəsini vuran şəxsə hökm oxunub. Bu haqda bu gün, 5 mart tarixində Bakuplus.az Report-a isitnadən xəbər verir.
Bakı Ağır Cinayətlər Məhkəməsinin hakimi Əli Məmmədovun qərarına əsasən, Firdovsi Eyvazov 8 il müddətinə azadlıqdan məhrum edilib.
Hadisə 2022-ci ilin sentyabr ayında Zabrat-Maştağa yolunda baş verib. F. Eyvazov idarə etdiyi "KamAZ" markalı yük avtomobili ilə hərəkətdə olan zaman yolu keçmək istəyən 22 yaşlı Sevgi Rəsulova və Bakı sakini, 18 yaşlı Elvin Əzizlini vurub. Hər iki şəxs aldığı xəsarətlər nəticəsində hadisə yerində vəfat edib.
Xatırladaq ki, S.Rəsulova Dövlət Gömrük Akademiyasının işçisi, Elvin Əzizli isə həmin təhsil müəssisəsinin II kurs tələbəsi idilər.
