Bakının Parlament prospekti və Atatürk prospektinin “Gənclik” metro stansiyası istiqamətindəki hissəsində bu gündən 30 iyun saat 06:00-dək nəqliyyat vasitələrinin hərəkətinə tam məhdudiyyət qoyulacaq. Bu haqda bu gün, 28 iyun tarixində Bakuplus.az Azərbaycan Yerüstü Nəqliyyat Agentliyinə istinadən məlumat verir.
Parlament prospektinə daxil olan 3, 18, 39 və 205 nömrəli müntəzəm marşrut avtobusları alternativ olaraq Mikayıl Müşfiq və Mehdi Hüseyn küçələrindən buraxılacaq.
Atatürk prospektinə daxil olan 3, 7A, 7B, 9, 26, 33, 67, 85, 93, 199, 202 və 211 nömrəli müntəzəm marşrut avtobusları isə alternativ olaraq Azadlıq prospekti, Ağasadıq Gəraybəyli, Həsən Əliyev, Əhməd Rəcəbli, Fətəli xan Xoyski, İbrahimpaşa Dadaşov küçələri ilə fəaliyyət göstərəcək.
