Bakı Ağır Cinayətlər Məhkəməsində Orxan Məmmədov, Zaur Babayev, Cəbrayıl Cəbrayılov, Fuad Xəlilzadə və Murad Rəsulov tərəfindən şirkətə məxsus pul vəsaitlərinin mənimsənilməsi ilə bağlı cinayət işi üzrə məhkəmə prosesi başlayıb. Bu haqda bu gün, 7 avqust tarixində Bakuplus.az Report-a istinadən məlumat verir.
Hakim Əli Məmmədovun sədrliyi ilə keçirilən prosesdə dövlət ittihamçısı Eldar Qəmzə ittiham aktını oxuyub.
İstintaq müəyyən edib ki, “İnteqral” QSC-də müxtəlif vəzifələrdə çalışmış təqsirləndirilən şəxslər bu şirkətə məxsus ümumilikdə 525.000 manat pulu mənimsəyiblər.
Özünü qismən təqsirli bilən F.Xəlilzadədən başqa, digərləri özlərini təqsirli bilməyiblər.
Növbəti məhkəmə iclası avqustun 14-nə təyin edilib.
