Bakıda "Təkrar emal fəalları" adlı təmizlik aksiyası keçiriləb. Bu haqda bu gün, 16 avqust tarixində Bakuplus.az xəbər verir.
COP29 Könüllüləri Sabunçu rayonunun Bakıxanov qəsəbəsində yerləşən parklardan birində "Təkrar emal fəalları" adı altında növbəti təmizlik aksiyası keçiriblər. Könüllülər burada park ərazisini təmizləyərək, toplanmış məişət tullantılarını təkrar emalı üçün "Təmiz Şəhər" ASC-yə təhvil veriblər.
Bundan əlavə, könüllülər parkda istirahət edən sakinlərlə ictimai təmizliyə riayət olunması və şəhər parklarının ekoloji durumunun sağlamlaşdırılmasının əhəmiyyəti barədə maarifləndirici söhbət aparıblar.
Aksiya çərçivəsində toplanan 230 kiloqramdan çox həcmdə müxtəlif növ bərk məişət tullantıları könüllülər tərəfindən Bərk Məişət Tullantılarının Çeşidlənməsi Zavoduna növbəti təkrar emal üçün təhvil verilib.
[caption id="attachment_146142" align="alignnone" width="640"]
Foto açıq mənbədən[/caption]
