Oğlu tərəfindən qətlə yetirilən 59 nömrəli məktəbin direktoru Pikə Əhmədovanın yerinə yeni təyinat olub. Bu haqda bu gün, 26 aprel tarixində Bakuplus.az Qafqazinfo-ya istinadən xəbər verir.
Bakı Şəhəri üzrə Təhsil İdarəsindən verilən məlumata əsasən, direktor vəzifəsinə Fəzail Məmmədov təyin olunub.
Fəzail Məmmədov 2019-2023-cü illərdə paytaxtdakı 250 nömrəli, 2023-2024-cü illərdə isə 314 nömrəli tam orta məktəblərdə direktor olub.
Cari ilin fevral ayında 25 yaşlı Əhməd Əhmədov aralarında yaranmış mübahisə zamanı atası – 52 yaşlı Mehman Əhmədovu, anası – 47 yaşlı Pikə Əhmədovanı və qardaşı – 9 yaşlı Məhəmməd Əhmədovu, bundan əvvəl digər ünvanda isə bacısı – 27 yaşlı Elmira Əhmədovanı və onun azyaşlı qızını öldürməkdə şübhələri bilinərək saxlanılıb.
Faktla bağlı cinayət işi başlanıb, Əhməd Əhmədov prokurorluğun qərarı ilə iş üzrə təqsirləndirilən şəxs qismində istintaqa cəlb edilib.
