Bakıda Beynəlxalq Standartlaşdırma Təşkilatının (ISO) inkişaf etməkdə olan ölkələrin milli standartlaşdırma qurumları üçün seminar keçirilir. Bu haqda bu gün, 27 may tarixində Bakuplus.az Report-a istinadən xəbər verir.
Azərbaycan Standartlaşdırma İnstitutunun (AZSTAND) təşkilatçılığı ilə ISO qurumları üçün “Liderlik və İdarəetmə İnkişaf Proqramı” üzrə regional seminar start götürüb. Tədbirdə Azərbaycanla yanaşı, Albaniya, Baham adaları, Burkina-Faso, Beliz, Butan, Kolumbiya, Qana, Yunanıstan, Keniya, Monqolustan, Qətər, Ruanda, Səudiyyə Ərəbistanı, Yəmən və İsveçdən milli qurumların rəhbər heyətləri iştirak edir.
Keçirilən seminara Antiinhisar və İstehlak Bazarına Nəzarət Dövlət Xidmətinin rəis müavini İlqar Həsənov, AZSTAND-in müdiri İlham Bayramov, ISO-nun Potensialın genişləndirilməsi şöbəsinin rəhbəri Erik Kiek qatılıblar.
