Bakının mərkəzində “Xəngəland” restoranı Azərbaycan Respublikasının Qida Təhlükəsizliyi Agentliyi (AQTA) tərəfindən cərimələnib. Bu haqda bu gün, 3 iyun tarixində qurumun mətbuat xidməti məlumat verib.
Daxil olmuş müraciət əsasında Agentliyin əməkdaşları tərəfindən “Xəngəland” restoranında yoxlama keçirilib. Yoxlama zamanı müəssisədə təmizliyin düzgün aparılmaması və digər nöqsanlar qeydə alınıb.
Aşkar edilmiş qanun pozuntuları ilə əlaqədar müəssisənin rəhbərliyi inzibati məsuliyyətə cəlb edilib. Müəssisədə işlərin və xidmətlərin dayandırılması üçün məhdudlaşdırıcı tədbirlərin tətbiqi barədə qərar qəbul edilib.
[URIS id=47129]
