13 oktyabr tarixində Bakıda “Media və Hüquqi Maarifləndirmə” mövzusunda tədbir keçirilib.
Tədbir Azərbaycanın Baş Prokurorluğu və Medianın İnkişafı Agentliyinin birgə təşkilatçılığı ilə baş tutub. Bu haqda Report xəbər verib.
Tədbirdə Baş Prokurorun müavini Heydər Məmmədov və Medianın İnkişafı Agentliyinin İcraçı direktoru Əhməd İsmayılov mediada yayımlanan informasiyaya dair tələblər, cinayət və ya ictimai maraq kəsb edən hadisələr baş verdikdə jurnalistlərin və media nümayəndələrinin hadisə yerində diqqət yetirməli məqamlar barədə çıxış ediblər.
Əlavə olaraq “Media və Hüquqi Maarifləndirmə” vəsaitinin təqdimatı olub və prokurorluğun digər nümayəndələri də Prokurorluq orqanları ilə kütləvi informasiya vasitələri arasındakı münasibətlər barədə danışıblar.
Sonda tədbir iştirakçıları ilə xatirə şəkili çəkilib.
