Azərbaycanda meteor yağışını görmək olacaq. Bu haqda bu gün, 4 avqust tarixində Bakuplus.az Bakı Dövlət Universitetinə istinadən xəbər verir.
Perseid meteor yağışı kometlər və asteroidlərin arxasında qalan qalıqların yer kürəsinə düşməsi səbəbindən baş verir.
“Perseid meteor yağışları hər il iyulun 17-dən avqustun 24-nə kimi davam edir. Perseidin maksimumu ildən asılı olaraq, 11, 12 və ya 13 avqusta təsadüf edə bilər”, - deyə məlumatda bildirilir.
Meteor yağışı 13 avqust tarixində baş verəcək.
Azərbaycan ərazisindən ən yaxşı görüntüləri həmin gün səhər açılana qədər və axşam Günəş batandan sonra görmək olacaq. Bakıda meteorlar səhər saatlarında görüntülənəcək. Onlar atmosferə şaquli vəziyyətdə düşəcəklər deyə, buraxdıqları iz qısa, ancaq sayları çox olacaq. Digər vaxtlarda isə meteorlar uzun izlər buraxacaq, lakin daha az görünəcəklər.
