Bakıda motokuryerlərin sayı kəskin azalıb. Buna səbəb motosürücülərdən sürücülük vəsiqəsi və qeydiyyat nişanı tələb edən yeni qanundur. Bu haqda bu gün, 3 avqust tarixində Bakuplus.az ARB Xəbər-ə istinadən məlumat verir.
Kuryerlər deyirlər ki, polis əməkdaşları “Moto Plaza” rəsmi distribütorunun rəsmi olaraq təqdim etdiyi sənədi deyil, spidometrdəki göstəricini əsas götürürlər.
Bu məqam Bakı Dövlət Yol Polisinin (DYP) açıqlamasında da vurğulanıb:
“YPX-nin əməkdaşı saxladığı nəqliyyat vasitəsinin sürət həddini göstərən göstəricisi var. Bəzi göstəricilərdə 50 km/saatdan yuxarı sürət həddi qeyd olunsa da, sənədlərdə 50 km/saatdan aşağı rəqəmlər göstərilib. Bunu aydınlaşdırmaq üçün biz həmin şəxsləri davət edib idarədə müəyyən söhbətlər aparırıq, sənədlərinə baxış keçirərək heç bir narazlıq olmadan həmin şəxslər sərbəst buraxılır”.
DYP-nin də dediyindən belə aydın olur ki, məsələ satış məntəqələrinin təqdim etdiyi sənədlərdə düyünlənir.
“Moto Plaza”dan isə deyildi ki, vətəndaşa təqdim edilən sənədlər nəqliyyat vasitəsinə texniki baxış keçirildikdən sonra tam real şəkildə müəyyən olunur. Lakin, polis əməkdaşları tərəfindən bu sənədlər sübut kimi qəbl olunmur.
“Moto Plaza”dan, həmçinin bildirildi ki, vətəndaşların çoxsaylı müraciətinə əsasən, onlara növbəli şəkildə bəyannamələr təqdim olunacaq. Məsələ ondadır ki, hər kəs nəqliyyat vasitəsini rəsmi şirkətdən almayıb. Görünən odur ki, bu kimi boşluqlar hələ bir müddət yol polisi ilə kuryerləri üz-üzə gətirəcək.
