Bakı Şəhər İcra Hakimiyyəti paytaxt sakinlərinə müraciət edib.
Sabah, iyunun 10-da paytaxtda növbəti ümumşəhər iməcilikləri keçiriləcək. Bununla bağlı Bakı Şəhər İcra Hakimiyyəti (BŞİH) bu gün, 9 iyun tarixində Bakı sakinlərinə müraciət edib.
Şəhərin prospekt və küçələrində, həyətlərdə və məhəllələrdə təmizlik və abadlıq işləri aparılacaq.
"Bakı Şəhər İcra Hakimiyyəti müəssisə, idarə və təşkilatların kollektivlərini, paytaxt sakinlərini bu iməcilikdə fəal olmağa çağırır, həmçinin sahibkarlar və özəl sektorda çalışanlara müraciət edərək onları özlərinə məxsus obyektlərin fasad və vitrinlərində, obyektlərin qarşısında təmizlik və səliqə-səhman yaradılmasında iştirak etməyə dəvət edir.
Bununla da hər birimiz paytaxtımızın daha da gözəlləşməsinə öz töhfəmizi vermiş olacağıq", - müraciətdə deyilir.
