Bakıda narkotik vasitələrin qanunsuz dövriyyəsində təqsirləndirilənlərə hökm oxunub. Bu haqda bu gün, 8 avqust tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin hakimi İlham Mahmudovun sədrliyi ilə keçirilən prosesdə qərar elan olunub.
Məhkəmənin verdiyi qərara əsasən, Səxavət Məmmədov 11 il, Cavidan Şükürzadə isə 10 il 6 ay azadlıqdan məhrum ediliblər.
Verilən məlumata görə, bir müddət əvvəl Xətai Rayon Polis İdarəsi əməkdaşlarının narkotik vasitələrin qanunsuz dövriyyəsinə qarşı keçirdikləri əməliyyat nəticəsində Məmmədov və Şükürzadə tutularaq istintaqa təqdim ediliblər. Onlardan 4 kiloqramdan artıq heroin, marixuana və 28 ədəd psixotrop tərkibli həb götürülüb.
