Bu gün, fevralın 22-si Novruzun ilk çərşənbəsidir. Bununla bağlı şəhərin müxtəlif ərazilərində, xüsusən də metro stansiyalarının yaxınlığında yarmarkalar təşkil olunur. Onlardan biri Yasamal rayonunda, “Elmlər Akademiyası” metro stansiyasının çıxışında yerləşir.
Sakinlər qeyd edir ki, müxtəlif növ qida və qeyri-qida məhsullarının satıldığı yarmarka həm məhsul çeşidliyi, həm də yerləşdiyi yerə görə sakinlər üçün olduqca əlverişlidir. Qiymətlər münasib olduğundan yarmarkaya tələbat kifayət qədər yüksəkdir.
Belə ki, 1 kiloqram qoz ləpəsi 12-16 manat, fındıq ləpəsi 10-12 manat, quru meyvələr 4-14 manat arası, səməninin qiyməti isə 3-6 manat arası dəyişir.
Yarmarka Novruz bayramı bitənədək fəaliyyət göstərəcək.
[URIS id=34537]
