Ölkə ərazisində, o cümlədən, Bakı şəhəri və Abşeron rayonunda yerləşən modul tipli xəstəxanalar bağlanır. Bu haqda bu gün, 30 mart tarixində APA TƏBİB-ə istinadən məlumat verib.
Bildirilib ki, xəstəxanaların sayı aktiv yoluxma sayının artması və azalmasına uyğun olaraq tənzimlənir.
Həmçinin qeyd olunub ki, Novruz bayramından sonra yoluxma sayı və koronavirusla bağlı təcili tibbi yardıma müraciətlərin sayı xeyli azalıb.
Bakıda 7 saylı Uşaq Yoluxucu Xəstəxanası, FHN Modul, Kiliniki Tibbi Mərkəzi Pandemiya tibb müəssisəsi kimi fəaliyyətləri dayandırılıb.
Bakıda və Abşeron rayonu üzrə 4 tibb müəssisəsi - Yeni Klinika, Mərkəzi Gömrük Xəstəxanası, Məhəmmədli modul, Elmi-Tədqiqat Ağciyər Xəstəlikləri İnstitutu (ETACXİ) öz fəaliyyətini qismən davam etdirir.
