Bakıda piyada məsuliyyətsizliyə görə qəzaların sayı artıb. Bu haqda 14 may tarixində Bakuplus.az Aztv-ya istinadən xəbər verir.
Qaydalara riayət etməyən, piyada keçidindən kənarda yolu keçməyə cəhd edən, işıqfora və qadağan edici işarələrə əhəmiyyət verməyən vətəndaşlar həm özlərini, həm də sürücüləri təhlükəyə atırlar. Çox sayda yeraltı və yerüstü keçidlərin mövcudluğuna baxmayaraq, istər şəhər mərkəzində, istərsə də sürət həddinin yüksək olduğu rayonlararası yollarda piyadalar qanunla qadağan olunan yerlərdən keçirlər. Nəticədə zərəri də özləri görür.
“Bu cür hadisələrə Heydər Əliyev, Ziya Bünyadov, Qara Qarayev və 8 noyabr prospektlərində daha çox rast gəlinir. Burada baş vermiş yol-nəqliyyat hadisələri ən çox yerüstü piyada keçidlərinin yaxınlığında qeydə alınır”, - Bakı şəhər DYP idarəsinin baş inspektoru Araz Əsgərli bildirib.
