Ötən həftə Bakıda küçə və prospektlərdə yol hərəkəti təhlükəsizliyi və nəqliyyat infrastrukturu ilə bağlı görülən işlərin nəticələri açıqlanıb. Bu haqda 27 yanvar tarixində Bakuplus.az Bakı Nəqliyyat Agentliyinə istinadən məlumat verir.
Ölkədə həyata keçirilən sosial siyasətə uyğun olaraq, 2017-ci ildən şəhər nəqliyyatında əlçatanlığın təmin olunması ilə bağlı ardıcıl tədbirlər həyata keçirilir. Bu işlər 2022-ci ildə də davam etdirilir.
Ötən həftə görülən işlər aşağıdakılardır:
- 13 küçə və prospektdə piyada zolağı yenilənib, 5 küçə və prospektdə yeni piyada zolağı çəkilib;
- 6 küçə və prospektdə yol hərəkətinin təşkili ilə bağlı təhlil aparılıb;
- Paytaxt küçələrində parklanmanın idarə edilməsi məqsədilə pilot layihənin icrasına start verilib;
- 2 küçədə təhlükəsizlik tumbası quraşdırılıb. Bir ünvanda 2 yeni dayanacaq məntəqəsi təşkil edilib;
- 12 küçə və prospektdə 140-a yaxın yol nişanı quraşdırılıb.
“Bununla da yol şəraiti yaxşılaşdırılıb, piyada təhlükəsizliyi artırılıb, yol-nəqliyyat hadisələrinin başvermə riski minimuma endirilib”, - Bakı Nəqliyyat Agentliyindən bildirilib.
