Paytaxtın Xətai rayonu N.Tusi küçəsində qanunsuz işləyən ət kəsimi məntəqələri aşkarlanıb. Bu haqda bu gün, 15 noyabr tarixində Qida Təhlükəsizliyi Agentliyinin mətbuat xidməti məlumat yayıb.
Müəssisələrə keçirilən baxış zamanı sanitar-gigiyenik qaydalara əməl olunmadığı, eləcə də baytarlıq nəzarəti olmadan heyvan kəsiminin həyata keçirilməsi məlum olub.
Məntəqə sahibləri ilə profilaktik söhbətlər aparılıb.
Bundan əvvəl, 2 noyabr tarixində Qaradağ rayonu Sahil qəsəbəsində qanunsuz heyvan kəsimi ilə məşğul olan müəssisələr aşkarlanmışdır.
[caption id="attachment_14437" align="alignnone" width="800"]
Foto Azərbaycan Qida Təhlükəsizliyi Agentliyinin rəsmi saytı[/caption]
