Bakının Konqres Mərkəzində Qoşulmama Hərəkatının COVID-19-a qarşı mübarizə üzrə Təmas Qrupunun Zirvə Görüşü keçirilir. Bu haqda bu gün, 2 mart tarixində Bakuplus.az məlumat verir.
Azərbaycan Prezidenti İlham Əliyev sammitdə iştirak edir.
“Mən burada iki qlobal çağırışı bəyan edirəm. Bunlar Afrikanın və inkişaf edən kiçik ada dövlətlərinin pandemiyadan sonrakı bərpasını dəstəkləməkdir. Məmnuniyyətlə elan edirəm ki, Azərbaycan ilk donor ölkə kimi hər iki qlobal çağırışa 1 milyon ABŞ dolları məbləğində vəsait ayırır. İnanıram ki, Qoşulmama Hərəkatının üzvləri və beynəlxalq ictimaiyyətin digər üzvləri Azərbaycanın təşəbbüsünü dəstəkləyəcək və bizə qoşularaq postpandemiya bərpası dövründə ehtiyacı olan ölkələrə dəstək verəcəklər”, - Əliyev öz çıxışında vurğulayıb.
Sammitdə 70-ə yaxın ölkənin dövlət və hökumət başçıları, 5 ölkənin - Bosniya və Herseqovina, Türkmənistan, Özbəkistan, İraq və Liviyanın prezidentləri, üç ölkənin - Kuba, Qabon, Tanzaniyanın vitse-prezidentləri, Əlcəzairin və Keniyanın baş nazirləri, müxtəlif ölkələrin yüksək səviyyəli nümayəndələri, habelə beynəlxalq təşkilatların rəhbərləri iştirak edirlər.
[caption id="attachment_92591" align="alignnone" width="640"]
Foto President.az saytı[/caption]
