Xətai rayonu, S.Orucov küçəsində Katolik kilsəsi, Xətai İcra Hakimiyyətinin binası və Belarus səfirliyinin yaxınlığında yerləşən 1980-ci ildə salınan park o zaman paytaxtın ən görkəmli məkanı olub. Parkın indiki baxımsız vəziyyəti isə sakinləri narahat edir. Real.Tv bu barədə material paylaşıb.
Yasəmən gülləri, xan çinarı, həmişəyaşıl ağacları ilə göz oxşayan məkan bir vaxtlar əhalinin istirahətinə xidmət edirdisə, indi avtomobillərin parklama yerinə çevrilib.
Bilinməyən səbəblərdən də bir sıra ağaclar kökündən çıxarılaraq yerə düzülüb. Habelə, digər ağaclarda da naməlum səbəblərdən artıq yavaş-yavaş quruma gedir.
Xətai Rayon İcra Hakimiyyəti nümayəndəsi bildirib ki, qurum tərəfindən bu məsələ ətrafında araşdırma aparılılır və dəqiqləşdirildikdən sonra məlumat veriləcək.
