Bakının Suraxanı rayonu, Yeni Suraxanı qəsəbəsi, ev 87 ünvanında fəaliyyət göstərən su emalı və qablaşdırılması müəssisəsi Azərbaycan Qida Təhlükəsizliyi Agentliyi (AQTA) tərəfindən cəzalandırılıb. Bu haqda bu gün, 9 oktyabr tarixində Bakuplus.az qurumun mətbuat xidmətinə istinadən məlumat verir.
Plandankənar yoxlama zamanı obyektdə müxtəlif qayda pozuntuları müəyyən edilib. Hazır məhsulların saxlanması üçün anbarın və təmizlik vasitələri üçün ayrıca sahənin təşkil edilmədiyi, sanitar vəziyyətin qənaətbəxş olmadığı, müəssisədə emal olunan "İlk Su", "Birinci Su", "Gündəlik Su", "Pak Su" əmtəə nişanlı 19 litrlik qablaşdırılmış su məhsullarının etiket məlumatlarının qanunvericiliyin tələblərinə uyğun olmadığı və digər nöqsanlar aşkarlanıb.
Laborator analizlərin nəticələrində su nümunələrinin normativ hüquqi aktların tələblərinə uyğun olmadığı müəyyən edilib.
Faktla bağlı su məhsullarının istehsalı dayandırılıb, rəbhərlik barəsində protokol tərtib olunub.
[caption id="attachment_115920" align="alignnone" width="640"]
Foto AQTA[/caption]
