Mədəni İrsin Qorunması, İnkişafı və Bərpası üzrə Dövlət Xidməti Bakıda və işğaldan azad edilmiş ərazilərdə 145 abidəyə baxış keçirəcək. Bu haqda bu gün, 8 iyul tarixində Bakuplus.az xidmətə istinadən məlumat verir.
Mədəniyyət Nazirliyi yanında Daşınmaz mədəni sərvətlərin müəyyən edilməsi üzrə Ekspert Şurasının görülmüş işlərə və qarşıda duran vəzifələrə həsr olunmuş iclası keçirilib.
I mərhələdə Bakı şəhəri üzrə 6 və işğaldan azad edilmiş ərazilər üzrə 51 obyekt, II mərhələdə Binəqədi rayonu üzrə 13 dövlət qeydiyyatında olan abidə və 12 tarix-memarlıq əhəmiyyətli tikili, III mərhələdə isə Memarlar İttifaqının Səbail rayonu üzrə təklif etdiyi 63 tikili – ümumilikdə 145 abidə baxılması üçün Ekspert Şurasına təqdim olunub.
