Məhkəmə-Hüquq Şurasının sabiq əməkdaşı, Yasamal Rayon Məhkəməsinin hakimi Hüseyn Səfərov yeni vəzifəyə təyin olunub. Bu haqda bu gün, 12 oktyabr tarixində Bakuplus.az Oxu.az-a istinadən məlumat verir.
Naxçıvan Muxtar Respublikası Ali Məclisi sədrinin müavini Anar İbrahimovun sərəncamı ilə o, Naxçıvan Muxtar Respublikası ədliyyə nazirinin müavini təyin edilib. Bundan başqa, Naxçıvan Muxtar Respublikasının ədliyyə naziri təyin olunana qədər şöbə müdirinin səlahiyyətlərinin müvəqqəti icrası da Səfərova həvalə edilib.
Səfərov daha öncə Məhkəmə-Hüquq Şurası katibliyinin mütəxəssis, aparıcı məsləhətçi, böyük məsləhətçi vəzifələrində çalışıb. O, həmçinin Binəqədi Rayon Məhkəməsinin və Yasamal Rayon Məhkəməsinin hakimi olub.
Bir müddət əvvəl Səfərovun işə velosipedlə getməsi ilə bağlı görüntülər yayılmışdı. Hakim bildirib ki, o, velosipeddən rahatlıq və sağlam həyat tərzi keçirmək üçün istifadə edir.
