Bakıda xanım taksi sürücüsünə pul verməməklə bərabər, həm də onu təhqir edən şəxs həbs edilib. Bu haqda bu gün, 21 oktyabr tarixində Bakuplus.az Qaynarinfo-ya istinadən məlumat verir.
Hadisə oktyabrın 18-də metronun “Koroğlu” stansiyasının yaxınlığında baş verib.
Taksi sürücüsü Xatirə Zamanova (ad-soyad şərtidir) polisə müraciət edərək, Nizami rayonu ərazisində Heydər Əliyev prospekti ilə hərəkətdə olarkən kişi sərnişinin onun avtomobilinə mindiyini, lakin gediş haqqını vermədiyini və onu təhqir etdiyini bildirib.
Polis qadın taksi sürücüsünün şikayəti əsasında 61 yaşlı Bakı sakini Kərim adlı kişini (ad-soyad şərtidir) saxlayıb. Bu zaman kişi polislərə qarşı da nalayiq ifadələr işlədib.
Bundan sonra Kərim 23-cü Polis Bölməsinə aparılıb, protokol tərtib edilərək məhkəməyə göndərilib. Araşdırma zamanı Kərimin hadisə zamanı sərxoş olduğu müəyyən edilib. Məhkəmənin hökmü ilə kişiyə 20 sutka inzibati həbs cəzası verilib.
