Hərbi Polisin şöbə rəisinə cinayət işi açılıb. Bu haqda 19 mart tarixində Kriminalqafqaz.az məlumat verib.
Hərbi Polis bölmələrinin Bakı Qarnizonunun cinayət-axtarış şöbəsinin sabiq rəisi, polkovnik-leytenant Feyzi Hüseynov rüşvət verməkdə ittiham olunaraq saxlanılıb. Onun barəsində Cinayət Məcəlləsinin “Xidməti vəzifəsinin icrası ilə əlaqədar vəzifəli şəxsə maddi və sair nemət, imtiyaz və ya güzəşt təklif olunması və ya verilməsi” maddəsi ilə cinayət işi başlanılıb. İş baxılması üçün Bakı Hərbi Məhkəməsinə göndərilib.
Hüseynov Vətən Müharibəsi dövründəki qeyri-adekvat davranışlarına görə xidmətdən uzaqlaşdırılmışdır.
