Şamaxıda istehlaka yararsız at ətinin satışı ilə məşğul olan şəxslər saxlanılıblar. Bu haqda bu gün, 8 avqust tarixində Bakuplus.az ARB Xəbər-ə istinadən məlumat verir.
Şamaxı rayonunun Çarhan kəndində Səxavət Cəfərova məxsus fermanın ərazisində, əsasən, ucuz qiymətə alınan xəstə atların kəsilməsi barədə polisə məlumat daxil olub.
Əməli törətməkdə şübhəli bilinən paytaxt sakini Mehman Cəfərov, Şamaxı sakini Ağacan Sadıqov və fermanın sahibi Səxavət Cəfərov saxlanılıblar. Əraziyə baxış keçirilərkən 300 kiloqrama yaxın at əti aşkarlanıb.
Araşdırma zamanı məlum olub ki, Mehman Cəfərovun başçılıq etdiyi həmin şəxslər, əsasən, xəstə atları ucuz qiymətə alaraq, onları kəsib və ətini Bakıya apararaq orada satmaq niyyətində olublar.
Həmin ətlərdən müvafiq nümunələr götürülərək laborator müayinələr aparılması üçün AQTA-ya təhvil verilib. Qalan hissəsi isə yandırılaraq məhv edilib.
Faktla bağlı araşdırma aparılır.
[caption id="attachment_108809" align="alignnone" width="640"]
Foto ARB24-ün rəsmi Youtube kanalı[/caption]
