Bu gün, 1 iyuldan etibarən Bakıda yeni avtobus marşrutları istifadəyə verilib. Bu haqda Bakuplus.az Rəqəmsal İnkişaf və Nəqliyyat Nazirliyinə istinadən məlumat verir.
“28 May” metro stansiyasını Günəşli qəsəbəsi ilə əlaqələndirən 46 nömrəli müntəzəm marşrutun istismarı isə müsabiqədə qalib gələn yeni daşıyıcı tərəfindən həyata keçiriləcək. Marşrutlar üzrə müasir “Avro 6” standartına uyğun ekoloji baxımdan təmiz sıxılmış təbii qaz mühərrikli orta və böyüktutumlu avtobuslar nağdsız qaydada fəaliyyət göstərəcək.
Həmçinin M.Şərifli küçəsi (Vərəm dispanseri) – Xətai rayonu, Cavanşir küçəsi arasında 12 saylı marşrutla fəaliyyət göstərən köhnə avtobuslar əvəzinə müasir və rahat avtobuslar istifadəyə verilib.
Şüvəlan – “Koroğlu” Nəqliyyat Mübadilə Mərkəzi istiqamətində fəaliyyət göstərən 136 nömrəli müntəzəm marşrut ləğv edilib.
