M.Maqomayev adına Azərbaycan Dövlət Akademik Filarmoniyasının gecə klubuna çevrilməsi ilə əlaqədar açıqlama verilib. BakuPlus bu haqda 18 may tarixində Apa.az-a istinadən xəbər verir.
Sosial şəbəkələrdə, filarmoniyada gənclərin təşkil etdiyi əyləncə dolu günün görüntüləri yayılıb. Bu, izləyicilər arasında birmənalı qarşılanmayıb.
Mədəniyyət Nazirliyindən bildirilib ki, sözügedən ərazidə “UFFO” restoranının rəhbərliyi ilə cari ilin iyun ayından rəsmi müqavilə bağlanması üçün hazırlıq işlərinə başlanılıb: “Lakin restoran rəsmi şərtlərə əməl etmədən özbaşına fəaliyyətə başlayıb və bu cür xoşagəlməz görüntülər meydana çıxıb”.
Nazirliyikdən məsələnin həlli istiqamətində mədəniyyət ocağının rəhbərliyinə tapşırıqlarların verildiyi qeyd olunub: “Məsuliyyətsizlik göstərmiş şəxslər və müqavilə şərtlərinə əməl etmədən fəaliyyətə başlayan restoran rəhbərliyi barəsində tədbir görüləcək”.
