Zəfər günü ilə ilə əlaqədar ötən gecə Bakı şəhəri ərazisində silsilə tədbirlər keçirilib.
Paytaxt ərazisində bir sıra binalar Azərbaycan bayrağı ilə işıqlandırılıb. Alov qüllələri, Kristal zalı, eləcə də Milli Hidrometeorologiya Xidmətinin binasının üzərlərində Dövlət rəmzi nümayiş olunub.
20:55-dən etibarən Muzey Mərkəzinin fasadında videoproyeksiya təşkil olunub. Binanın üzərində Zəfər gününü təmsil edən qrafikalar göstərilib.
Saat 21:10-da Dənizkənarı Milli Park ərazisində 16 dəqiqə davam edən musiqili atəşfəşanlıq olub.
Daha sonra sakinlər “Zəfər” yarmarkası və paytaxtın mərkəz küçələrində keçirilən bir sıra tədbirlərdə iştirak ediblər.
